الأحد، 6 يونيو 2021

المعكاز

سمع يا لمكاز فالدنيا

بيع الما ولاغزل الصوف

والى كاع اتسدوا البيبان اخويا

الخير عند الله مصفوف

جول فالارض يا مسكين

نعام تحرك لا تبقى مكفوف

اللي عيش النملة فالغار كاين

معيش الطير فالسما والخروف

فالايام الصعيبة قادر اعيشك

ربي بالجود و الكرم معروف

الترجاه هو راه قادر يغنيك

يا صاحبي غير فكر وشوف

الحض فين اما بغى ويحط

اما يسخن اما يبرد الجوف

بيع وشري فالساهلة وخطط

سبب توكل لا يغلبك الخوف

ما يجيب لكبيره غير الصغيرة

راه حنا فالدنيا غير ضيوف

عايشين فالدنيا و الدنيا بحيرة

والعيش فيها مزيرما مرخوف

واللي بغى يحيا ويعيش اليوم

لازم يصبر الكلام المكشوف

ويصبر لكل ما يجري صوم

ويصبر للنار وضرب السيوف

نظم بلعيد بومرحوم

زايدة في 2002

مساحات اعلانية