الشكوى لله
ياالشاكي شكي لمولاك
لا تشكي للعبد ضعيف
شكي لله عندو دواك
بلطفوا يلطفك اللطيف
على القسمة احمد وشكر
شحال من نعمة راه عطاك
اجتهد ديما انت وصبر
وفين امرك هوا لازم يلقاك
طريق المعقول راه اوصل
طريق السنة وكتاب الله
واللي ما تاب غدا يحصل
الله الدايم ماكاين غير الله
راه تقي الله ما يخاف
هوعابد الله بالصفى
راه يحفظو الله بالالطاف
عمر نورالله مايطفى
يا سيدي الى شفاك الشافي
ما تحتاج دوا ولا طبيب
يا سيدي الى غناك الغاني
لغيروا ما تكون تطليب
الى كان الله معاك
وليه امرك بنية سلمتي
وشكر من الطريق هداك
وعلمك من القرءان سقيتي
باب الله مفتوح كل الاوقات
صحبة الخلق خطية كل الساعات
اللي عرف الله دينه متول
مني عرفت الله كاين
ارتاح قلبي من شلى مسايل
وبقيت في رجاه نعاين
و اليأس كيف الحيط المايل
خليها على الله وتوكل عليه
يفتح ليك فالغيب ابواب
صفي طريقك ومشي فيه
المتوكلين من الله قراب
شحال من عام وانا نخمم
شفني حالي بين الاحوال
انت يا ربي بيا عالم
انت قادر تبدل الحال بالحال
نظم بلعيد بومرحوم زايدة في 11 - 7 - 2018