كلمة التوحيد

لا إله الا الله

كلمة   كبيرة ومعاني

وأحلى كلمة فلساني

لا إله الا الله

يسعد من كالها خالصة

من فهم معناها ما يعصى

لا إله الا الله

هي مفتا ح  الجنة

هي مغفرة   لذنوبنا

لا إله الا الله

محمد  رسول الله

بيها نشهد عند الله

لا إله الا الله

بيها  عمر لوقات

كنز الدنيا والممات

لا إله الا الله

أثقل ما فالميزان

دوا الهم والاحزان

لا إله الا الله

تفتح للخير ابواب

 لا بينها وبين ربي حجاب

                                          لا إله الا الله   

                                        هي جوهر لكلام   

                                       كولها وشمر الكمام                                                      

لا إله الا الله

كلمة عظيمة فالتوحيد

بيها  يختم  الشهيد

لا إله الا الله

لا معبود بالحق  سواه

محمد رسول الله

لا إله الا الله

نجعله اخر كلامي

 بنية خالصه فقلبي

لا إله الا الله

نجعلها ورايا وقدامي

ونهزها عالي فعلامي

لا إله الا الله

محمد رسول الله

    نظم بلعيد بومرحوم     زايدة في 25 -5 -2019    الموفق ل 19 رمضان 1440 هجرية

 

قصيدة الغفلة

 

   ايام الحملة

مني بغى يترشح كان ديما مبتسم

يضحك   واخى ما عند كانه   معلم

ديما مرحبه فكلامو

ما يخصر خاطر في ايامو

حيث  بغى يجقق  احلامو

يتبلحس ويتحسس فكل مجمع يتقدم

-------------------

يدخل في كل كبيرة وصغيرة بلى ما يخمم

الى كانوا الطلبه يدخلها صباط

والى كانوا النسا يولي خياط

والى كانوا الشباب يولي خطاط

فأيام الحملة تلقاه طاير كيف الحمامة

تلقاه فكل مكان بكل جراه وزعامة

يديه للخير مطلوقة عجاج

فحال الواد حمل وهاج

اوهم بالأمل طاج فوق طاج

المهم خصو ينجح باي حاجه وبكل الطروق

كان   لتحت بينا باغي يطلع الفوق

الى نجح ادير حفله وشوى

شهور بلياليها دجاج وحلوى

شيوخ الرمي احدوس وعساوى

والي سقط وطاح يصرخ يبكي نوح ويسخط

ويطعن في النتائج ويهرس ويخبط

اياموا ترجع كحله

والحوار معاه يرجع وحلى

ونعاسو عمرو ما يحلى

المواطن مقلق وشبع وعود وشبع هضره

واللي ما يخاف الله عمر حالو ما يبرى

واللي نكولوه شلي تكال

الشكوة لله من هدي شحال

نطلبه يغير هد الحال

 

من نظم بلعيد بومرحوم      زايدة في 15-05-2019