-- نصائح في الحياة ----
آه يا من دارني عصى
نهرس كل راس قاسح
نضرب الشر يرصى
ونكون بالحق ناصح
آه من جعلني لسان
فالقول نكون رطب فاصح
نقلع الشوك من
الطرقان
وللباطل نكون ماسح
اسفل عرت ناس القوم
هو عبد عند
القرش
المال فالصندوق ملموم
والجوع تمى ساكن
فالكرش
الدار اللي ما فيها
كبير
كيف الغنم بلا راعي
جموعها يتشتت وصير
فالمجهول بطريقو ما
واعي
عامل ناس
القبيلة بالهواده
وملك بالثقة كبيرهم
وصفي لله نيتك
فالعبادة
عندو تكون انت سيدهم
البنه كلها فمولاي
الطاجين
والست الكوكوت هي
الدله
هوا فطيابو ثقيل
ورزين
وهي زربانه تبرزط
قشلة
خيروني بين العصري
والبلدي
وكلت ليهم البلدي أصل
مأصل
والعصري جا من برى
غربي
ما نخلي ديني ونتبع
البا طل
اللي بغى علينا يلوم
يلومنا الحق فصفو
معاه
خلينا عداتنا ودينا
المعلوم
وتبعنا الروم حنا فعماه
ما يفهم سر الحكمة فالمعنى
غير المجرب الفاهم
اللبيب
ما يكون عدو المرى
من غير الضرة والربيب
العشور تخرج من
النادر
عشرة من كل ميه
والعدل حاضر
واللي اخرها ولا نقص
المقادر
هداك بلا شك دينو مهاجر
الساقية هي طريق الما
و القرءان هوا الطريق
لربي
واللي ما
يعرف يتوضي
من المحال يعرف
يصلي
انت انت
ولد اباك
وخى تكون فالشكل
مخالف
هو بطباعوا صحة رباك
الواد واد وخى يكون
ناشف
جرح المنجل مع الايام
يبرى
وجرح اللسان يبرى
محال
صعيب مجهد سم الهضرة
الدبرة تبقي حتى ليوم المغسل
الى بقات لي
الصحة
حتى نوصل يوم القبر
اش من نعمة وفرحة
على هديك وفى واكبر
العلم بحور قيعانها
غارقه
ما يعوم فيها غير
طويل النفس صابر
وطولت العمر اخرها
شاقة
واللي ما فناها
فالخير خاسر
اللي دار الخير بالصفي
غذا يتسنى فيه جزاتو
واللي دار الشر وما
كفى
غذا يتسنى في خلاتو
ما كاينش والو شي غلى
من بعد الحيا والاخلاق
وما كاينش حتى شي دله
من بعد العكز و
النقاق
يا الرقاص بين
الناس
للخير نعم للشر لا
كلشي يفنى يا صغير الراس
غدا لحساب طويل فيه
شلى
هدا هوا اخير العيب
وراس كل فضيحة
الراس عامر كولو شيب
وما حافض سورة
الفاتحة
يا البادي فالجفى والغضر
عقل الغضر منك جى
الايام تحكم بنا
وتهضر
واللي تبع طريق الله
ينجى
الدنيا سوايع تدور
عقاربها تحسب الايام
بيها يفرح كل مغرور
العاقل عل الملاهي
صوام
عجبني بهرني كلام المجذوب
وعلى قياسوا نظمت
كلامي
معانيه فالذات تلزم
وتذوب
حتى سكنات في عظامي
شرف لي نتلقب
بالمجذوب
واللي كالوا فهموا
معناها
سيدي عبد الرحمان
المحبوب
بعقلو كامل الاخلاق
ترفع مولاها
هبلت انا هبال كلت هو
العقل
ظنيت المتانة في حبل
النشير
صبت شمس الطمع رشاتو
ودبل
الصاحب الخاين خيه
ومدفع كبير
تتافق معا البلاغي
والصرافق
اما المرافق فالخدمة
محال
بالليل يكولك نعم انا
متافق
فالصباح يقطع بيك
الحبل
الرجالة يكولوا كلمة
ما
والرجال يكولوا كلمة
حجر
الرجالة معرفتهم ذنوب
ونقمة
و الرجال معرفتهم كنز
بالجوهر
شرع الله معاك يا الزاني
تزني بالليل فكحل
الظلام
وتكون في بالك مرتاح هاني
لهلا يرمي عليك هنا ولا سلام
سير يا الزاني لهلا
يعطيك هنا
فكل وقت تزني ببنات
الناس
تخالف شرع الله
والسنة
وتكول هانية والو باس
الدنيا لابد فيوم تفنى
ويدوم بعدها الفعل
الزين
القلوب الحية عمرها ما تهنى
حتى تخلص الدين
فالدين
الله يسعد صباحك ومساك
ياللي غادي يجتهد
فالعمل
الله يسرها للخير امورك
ياللي يسعى ويكد في الحلال
