الاثنين، 10 يناير 2022
الأحد، 26 ديسمبر 2021
الثلاثاء، 14 ديسمبر 2021
يانفسي
يانفسي توبي لله
يانفسي رجعي لمولاك
يغفرلك ربي في سماه
فالتوبة تلقاي دواك
رجعوا يا ناس توبوا
راه باب التوبة مفتوح
كلها يصلح عيوبوا
قبل ماتزهق الروح
الشيطان يضعف الايمان
يجلنا فغفلة ديما
يحبس ايدينا واللسان
وينسينا شكر النعمة
الشيطان يدوز طريق لمال
يشغلنا ننساوا الدين
يخيل لينا الدنيا جمال
ننساوا الوعد اليقين
خويا لا يغرك الشيطان
تبقى فالبليات ديما
حط اعمالك فالميزان
قيل عليك الشراب والكميه
----------------------------
ياسيدي ويا مولاي
هم الدنيا يبقى فيها
لاتعصى ربي طاي طاي
نفسك مكن ليها لجامها
اللي يسالك شي عطيه
وقيل عليك النميمة والغضر
واللي بغاك انت بغيه
واللي كرهك عنو صبر
بنادم تابع الهوى
مع الشيطان ساير يجري
مشى غافل ورى الشهوة
اجلوا قريب وهو ما يدري
صلي وعبد ربك
راه يتسنى فيك القبر
زكي وصلح عيبك
فالخلوة دعي واستغفر
واللي فيه القلب مزال
يبكي بدمع كثير
يثوب اللي على الموت عوال
يسبح هو ودير الخير
----------------------------
سمعوا فهموا يا حضار
حب الدنيا يطول الامال
والدرهم يعمي الابصار
الطمع ينسي يوم الاجال
فالناس شلى عن عادتو اتخلى
تبع موضة الاخرين
دخان نفحة وخمر وغفلة
وسبان الملا والدين
يانفسي الى طعتك
انت ترميني فالهاويه
يا نفسي الى عصيتك
جنة ربي ليك هدية
طريقك كلها خطر
عامرة غي بالشهوات
يا نفسي طريقك غادية لنار
ما تفكري انتي فالممات
لا ناهي ولا منتاهي
ولا من يوريك طريق
كلشي مع الدنيا ساهي
------------------------------------
يانفسي خممي فالقبر
شحال تعيشي فالدنيا
وطريقك عافيه وجمر
ردي بالك جهنم حاميه
توبوا رجعوا يا غافلين
مفتوح باب التوبة مزال
ضحكوا فرحوا يا حزنين
راه الدنيا قبح وجمال
نظم بلعيد بومرحوم زايدة في 03/05/2015
الاثنين، 29 نوفمبر 2021
جدتي
جدتي
جدتي يا جدتي
يا قلبا حنون
انت شمس بهجتي
يا شعرا موزون
انت وردة في بستان
انت بحر الحنان
ان قست عني امي
الجا الى صدرك
وان سال مني دمعي
لا يمسحه الا حضنك
انت بلسم الاحزان
انت نسمة في الجنان
جدتي آ ياجنتي
يا نشيدا ملحون
انت سر فرحتي
يا عسلا في الالسن
انت رمز الاحسان
انت لحن الاشجان
جدتي ام ابي
اللهم اسكنها جنتك
جدتي ام امي
يارب اجعلها في رحمتك
اللهم يا رب العالمين
حقيقها امين امين
نظم بلعيد بومرحوم في: 07 -07 - 2008
الاشتراك في:
الرسائل (Atom)