ادعي يا امي
يا امي دعي زيدي ليا
راه تلموا عليا لهموم
وشلى محاين فهد الدنيا
راه الصبر عليا ملزوم
و يا امي عليك انادي
دعي لله يحقق ارجايا
وبرضاك عليا جودي
فالارض انت لينا اية
اليوم طاح الضيم عليا
هي صعيبة دموع الرجال
راه سالت من عينية
هم على هم يهد لجبال
خاني لعمر غرني شبابي
النفس والشيطان غروا بيا
جهلي بالزمان زاد عذابي
فات ربيعي وردي دبل دغيا
يامي لمن نحكي سري
نحكيه للوديان ولى البحور
هدا مكتوبي هدا قدري
برضاك يامي انا منصور
اليوم انا تقاضى جهدي
دعي يامي بقلبك الكبير
كولي رضيت عليك اولدي
بدعوتك معنا افيض الخير
عاري عليك ياما احنا
صبرني و مسحي دموعي
يا بحر الصبر بحر المحنة
لينا دعي وزيدي دعي
نظم بلعيد بومرحوم
زايدة في 7 - 5 - 1998
ليست هناك تعليقات:
إرسال تعليق
شكرا على اضافة التعليق للقصيدة.