يا راسي
يا راسي اه بركه تخمام
بركه خلي امرك لمولاه
الهم ياسيدي يقتل لحلام
حزانك خليها يفجيها الله
ياراسي خلي ايمانك قوي
صبر ديما وزيد صبر
على التقوى عزم ونوي
ربي يغنيك هو قادر
مزال باقي يتغير الحال
ويعطيك الله ما تمنى
لا تفقد الرجا والامل
ربي بعبادوا ما ينسى
ياراسي يجيك غم ورا غم
دابا دابا يفرج الله
مرة مرة يطلع الدم
ونسناوك يا فرج الله
بنادم ديما مخلوق ضعيف
الريح اللي تجي تديه
تابع الهوى والوان الطيف
دنيا انتي و يادنيا
فيك الانسان رخف حباله
غضارة ونارك حامية
والحارث فيك يجني هباله
عيش الحياة كيف هي
ترتاح راضى بالقسمه
احزانك في قلبك باكيه
ياراسي العيش فن وحكمة
حب المال خسران وتهلكه
فالشيطان والهوى لا ثقة
كلشي يفوت والموت وشيكه
القناعة لطريق الله حقيقة
غير نسى يا راسي
كالوا فالنسيان دوا
حتى لاين وانت تجري
والعمر دغية يتطوى
نسى الهم عيش ربيعك
صوم سمعك خلي الفم بكمى
راه شيب القلب يغفلك
عيش حياتك فعز وهمة
يا راسي لا تقنط فالله معاك
رزقك ظمنه ربي سبب
ياراسي لا تياس فالله رجاك
استغفر الله وليه ثوب
نظم بلعيد بومرحوم زايدة : 12 -05 - 2018
ليست هناك تعليقات:
إرسال تعليق
شكرا على اضافة التعليق للقصيدة.