مكتوبي وحن عليا يا مكتوبي
وكون مكتاب الخير
ويا مكتوب ستر عيوبي
واللي راد الله يدير
مكتوبك تباعك يجري
وقدرك راه معاك
لمغطي بليام معري
مكتوبك تابعك وراك
حنا عايشين اليوم
وغذا مانعرف اش يجرى
------
عايشين حزان وهموم
العاقل فالزمن يقرى
الله يكتب لينا السلامة
فكل صباح ومسى
ويجعل حياتنا بتسامة
ويجعل افراحنا بلا عبسى
حقك لابد ياتيك
فارض سما او بر
وقسمتك تقلب عليك
وغير سبب انت وصبر
مكتوب فاللوح المحفوض
خط سير حياتك حتى للموت
من قديم تفرقات الحظوض
لازم نرضاوا بالقسمة يالخوت
الاقدار مرتبة مقسومة
شي حضو فيها عالي
الحياة كلها خطو مرسومة
العاطي نشكروا طول الليالي
كلها وزهرو فالدنيا
قضاء حياتنا كلها وقذر
كلها ومكتوبو ليه هدية
لا هروب من لمكتوب لا حظر
--------
عند خروجك دعي دعاك
كيف دعى النبي وعلمنا
عند رجوعك شكر اللي حماك
احمد الله اللي فرقنا ولكانا
الساتر الحافظ هو الله
المنجي الحامي العباد
نسبب اسباب ونكول يا الله
حسبي الله ونعم الجواد
كلها بعزمتو والصبر ايوصل
ما يتغير بنادم حثى يغير نفسو
واللى يتقى الله يجعلوحل
واللى يتوكل على الله هو حسيو
مكتوب مني كنتي مذغة
اجلك وعمالك شقي ولى سعيد
ربي كبير يعيا بنادم مايطغى
وخيرت لعمال اخرها تقرب البعيد
نظم بلعيد بومر حوم 20/02/2020
ليست هناك تعليقات:
إرسال تعليق
شكرا على اضافة التعليق للقصيدة.