القناع 
هادا بغى بحا ل هادا
العناد على الدنيا ناروا قدة
الى كان العناد لابد يكون فالعبادة
----------------------
ربي خلق الانسان وفرق
فرق فالشكل وحتى فالرزق
واحد يبخل لأخر ينفق
----------------------
الناس شلى تبعات الموضى
تبعات تقاليد وعادات مرفوضة
ونسات اشياء كانت مفروضة
-----------------------
هادا شرى برطابل ذكي وغالي
بيه يتباهى كال حد مافحلي
هادا عقل قديم و بالي
------------------------
وبنت المسكين تتعلق فين اتفلق
لباسها عياقى ومشيا كدامها طرطق
وتابعها فالطريق شحال من مصرفق
-------------------
ياناس زماني بغيتوا السكنة فالقصر
وفسلف الريبه كلشي يعتر
وفالكريدي يضيع العمر
زمان هذا واش من زما ن
الانسان ما يحن في الانسان
الحقيقة فيه تزوقات الوان
----------------------------
والي معقول يكولوا عليه نية
وناس العفة يكولو ا اغبيه
وناس الرشوى يكولوا عليهم اذكية
---------------------
ميزان هادا واش من ميزان
صروفوا الدرهم وعبا روا قوة الايمان
الصفى ناقص والكذوب زادوه فلوزان
-----------------------
نجعلوا من السفهاء اهل الشوار
واهل العقل العلم مقصيه من الحوار
خصنا نصلحوا الميزان يتقاد العبار
-----------------------------
مول الدرهم نكولوا عليه سي ومولاي
حيث كلشي على دراهموا جاي
الطمع خبيث لكل القيم النبيلة نساي
------------------------------
لازم حنا نرجعو ا من غفلتنا
ونستغفروا الله حنا من زلاتنا
فحاتنا قبل من مما تنا
------------------------
عيشتنا كيف شي حيط مصبوغ عل الوسخ
حب الزواق والمظاهر فينا مرسخ
غصن شجرة المبادئ اتشق واتشرخ
------------------------
حنا مسلمين من ولاد حواء وادم
من امة سيدنا محمد صلى الله عليه وسلم
التواضع سنه ثابتة أصلها دين الاسلام
------------------------
كلها يلبس قدو يواتيه
وعيشت الزواق ما تغويه
وكلها فينا يثوب قبل ما الموت تديه
- نظم بلعيد بومرحوم
ليست هناك تعليقات:
إرسال تعليق
شكرا على اضافة التعليق للقصيدة.