الدنيا غضاره
الدنيا غضاره ياوعدي
اليوم الملكى غذا لفراق
الضاحك فيها لازم يبكي
الثقة فيها هيا الحماق
بالجاه الانسان مغرور
بلغوات راه نشف الريق
علا الحيوط علا الديور
جمع المال من كل طريق
ليل ونهار هوا يجري
راه بالدنيا معذب حالو
صغير كبير عليها يبري
وعل المجد اللي ما ينالوا
بنادم مال حالك اليوم
خليك خويا رطب حنين
راه حب الدنيا مسموم
والموت حق اليقين
يادموع جاريه فالعين
من قلوب ذوك العقال
الدوام لله يا مسكين
هيهات الورد لابد يدبل
صلي وعبد يا النادم
يوم الدين لابد راه جاي
هجر لغرور كن حاكم
ملكى بعدو فراق يا خاي
نظم بلعيد بومرحوم -2001-
ليست هناك تعليقات:
إرسال تعليق
شكرا على اضافة التعليق للقصيدة.